Elkartasun Sudurrak

Erakutsi zure elkartasuna eta partekatu zure zoriona!

ELKARTASUN SUDURREI esker, zure poza Ospitaleko pediatria solairura eta Gipuzkoako zaharren egoitzetara iristea lor dezakezu. Algaraklownek sudur horiek irribarre bihurtuko ditu.

Elkartasun sudurrak oparitu ditzakezu zure ezkontzan, eta bestelako ekitaldietan, esate baterako, bataioak, jaunartzeak, familiako beste ospakizunak edo enpresa opariak. Konta iezaguzu zure asmoa eta ziur laguntzeko moduan izango garela.

Elkartasun sudurren paketeak osagai hauek ditu:

• Aparrezko sudur gorria, 5 cm-ko diametrokoa, edozein sudurretan jartzeko zirrikituarekin.
• Organtza zuriko poltsatxo zeharrargia, 9 x 12 cm-koa.
• Txartel pertsonalizatua, 8,5 x 6,5 cm-koa, 4 tintatan inprimatua.

Etxera bidaltzea nahi baduzu, bidalketa gastuak gehitu beharko ditugu.

Zure gonbidatuek oroigarri ahaztezina izango dute. Eta pediatria solairuko neska-mutilek ere bai!

Lagundu iezaguzu bihotz txiki horiei irribarre bat ateratzen!