Nor gara - Algaraklown

Algaraklown Ospitaleko Pailazoak Payasos de Hospital Donostia San Sebastian Quienes somos 1

Irribarreen bidez sendatzen

Ospitaleko pailazoen elkarte bat gara, eta irribarrearen ahalmena eta emozioen lanketa sustatzen dituen osasun-laguntzako proiektu bat garatzen dugu, ospitaleratuta dauden pertsonen bizitza (bizitza psikologikoa bederen) independenteagoa eta autonomoagoa izan dadin.

ALGARAKLOWN taldearen saioek ilusioaren eta fantasiaren munduarekin berriz konektatu nahi duten pertsona (eta pertsonatxo) guztiekin konektatzea eta elkarrekin denbora pasatzea dute helburu, ospitaleratzearen eragina ahalik eta txikiena izan dadin.

Clowns

PANTXINETA

Saioa Aizpurua

Algaraklowneko sortzailea eta zuzendari artistikoa. Terapeuta, psikomotrizista, ipuin-kontalaria eta antzerkiaren munduan aktiboa. Txikitan konturatu nintzen gauzak bihotzarekin egiteak duen garrantziaz, eta horrela egiten dut lan harrez geroztik.

FILIPO

Peio Arnaez

ZINGILI ZANGALA eta BAZEN BEHIN CLOWN taldeen sortzailea eta zuzendaria. Clowna eta aktorea da, antzerki eta clowneko eskolak ematen ditu eta, irakasteaz gain, ikasi egiten du bertan, eta asko gainera. Deustuko Unibertsitateko antzerki-tailerreko zuzendaria da Donostian. Gertatu zaizkion gauzarik onenetako bat izan da FILIPO aurkitzea.

PANTXIS

Karmele Etxeberria

Eibarko Lehen Hezkuntzako irakaslea da, eta Kixka antzerki eta txotxongilo taldea zuzentzen du. Bizitza osoan aritu da antzerkia egiten, dantzatzen, kantatzen, irribarreak, musuak eta besarkadak oparitzen eta pailazoarena egiten, mundu honetan egin daitekeen gauzarik zoragarriena baita.

PISTATXO

Raúl Luis

Izakia eta humanoidea tarteka. Astialdiko monitorea. Gizarte Laneko diplomaduna, Pedagogiako lizentziaduna eta pailazoa bokazioz. Joan den mendearen amaieraz geroztik, barreterapiaren onura, dohain eta alde on guztiekin esperimentatzeko zereginean murgilduta bizi da.

XIRI-MIRI

Zaira García

Gizarte Laneko diplomaduna. Aisialdia antzerkiaren eta dantzaren artearekin betetzen hasi zen duela urte batzuk, eta pailazo izateko aukera probatzea erabaki zuen. Beti agertu du besteen ongizatean laguntzeko interesa.

PALADITA

Irene Alkiza

Filosofiako ikasketak egin, eta filosofatzeko lizentzia lortu zuen. Irabazi-asmorik gabeko jakintza anonimoaren teoria garatzen ari bada ere, beti dago mozorrotzeko, jolasteko, pintatzeko eta amets egiteko irrikan.

BLANKOTXO

David Eraso

Elektrikaria lanbidez. Aita izan ondoren bere aitak irakatsitako zain artistikoa piztu zitzaion.
Interpretazio eta pailazo formakuntzak egiten hasi eta geroztik ezin izan du gelditu. Berehala, ikuskizun propio izan nahi izan zuen eta gaur egun bere burua “nahi eran”pailazo bezala sentitzen du.

XUXU

Irantzu Mantxo

Eskolako irakaslea eta betiereko ikaslea. Tolosan jaioa. Han ezagutu zituen arte eszenikoak, talde-lanak eta clown-aren mundua. Urteak daramatza sudurrari esker unibertso harrigarriak deskubritzen.

KURRUSKO

Txefo Rodríguez

"Ohiulari Klown" konpainian hasi zen ikasten bere formakuntza clowneko irakasle ezberdinekin. Ordutik, hainbat euskal konpainiatan lan egin du, hala nola "Ganso & Cía" eta "Badut Taldea". Orain Algaraklownekin kolaboratzen du boluntario gisa.

PUXIKA

Anduriña Zurutuza

Nafarroako Antzerki Eskolan egin zituen ikasketak, eta "Ohiulari Klown" konpainiarekin hasi zen lanean. Harrezkero, clowneko maisuekin lan egin du eta jarraitzen du lanean hainbat euskal konpainiarekin, hala nola "Marie de Jongh" eta "Badut Taldea". Orain, Algaraklownekin batera lan egiten du profesionalki.